Ўзбек
Объем торгов за национальную валюту на РФБ «Тошкент» за апрель текущего года составил 19,07 млрд. сумов *** Объем торгов за национальную валюту на РФБ «Тошкент» за апрель текущего года составил 19,07 млрд. сумов
Голосование
Тадбиркорликни ривожлантириш қандай омилларга боғлиқ?
 
Статистика посещений
Посещения [+/-]
Сегодня:
Вчера:
Позавчера:
2574
5648
5319

+329
Этот месяц...:
Прошлый мес...:
Позапрошлый...:
105013
159783
185137

-25354

Всего посещений
С начала работы biznes-daily.uz 4 879 693
Главная Все новости Узбекистана Партия лойиҳалари муҳокама қилинди

logo_OzLiDePПойтахтимизда Тадбиркорлар ва ишбилармонлар ҳаракати – Ўзбекистон Либерал-демократик партияси ҳамда партиянинг Олий Мажлис Қонунчилик палатасидаги фракциясининг қўшма йиғилиши бўлиб ўтди. 

 

Президентимиз Шавкат Мирзиёев шу йил 12 июлдаги Олий Мажлис палаталари, сиёсий партиялар ва Ўзбекистон Экологик ҳаракати вакиллари билан бўлган видеоселектор йиғилишида ҳар бир партия ўз дастуридаги вазифалардан келиб чиқиб, тегишли соҳаларда фаолият юритаётган вазирлик ва қўмиталар фаолияти устидан ўз фракцияси, партия гуруҳлари орқали парламент ҳамда депутатлик назоратини йўлга қўйиши лозимлигини таъкидлаган эди.

Ўтган давр мобайнида O'zLiDeP ҳамда тегишли вазирликларнинг ички гуруҳи томонидан ушбу вазифаларни марказда ва жойларда самарали йўлга қўйиш бўйича қатор ишлар амалга оширилди. 
O'zLiDePнинг парламентдаги фракцияси ҳамда халқ депутатлари маҳаллий Кенгашларидаги депутатлик гуруҳлари томонидан 2017 йилнинг охирги чораги ҳамда 2018 йилнинг биринчи ярмида тегишли вазирлик ва идоралар устидан парламент ва депутатлик назорати йўналишида амалга ошириладиган ишлар режаси шакллантирилган. 
Йиғилиш қатнашчилари Олий Мажлис Қонунчилик палатасидаги партия фракцияси томонидан режалаштирилаётган парламент эшитувлари мавзуларини атрофлича муҳокама қилди. Иқтисодиёт вазирлиги томонидан ҳудудларда ишлаб чиқаришни маҳаллийлаштиришни янги сифат даражасига олиб чиқиш, Инвестиция бўйича давлат қўмитаси томонидан хорижий ва маҳаллий инвестицияларни жалб қилиш бўйича амалга оширилаётган ишлар каби масалалар қуйи палата муҳокамасига киритилади. 
Шунингдек Молия вазирлиги томонидан маҳаллий бюджетларнинг даромад қисмини мустаҳкамлашга йўналтирилган бюджетлараро муносабатларни такомиллаштириш борасида амалга оширилаётган ишлар ҳолатига алоҳида эътибор қаратилиши лозимлиги таъкидланди. 
O'zLiDePнинг лойиҳасида ҳар бир вилоят, туман ва шаҳар Кенгашларида амалга ошириладиган назорат тадбирлари ўтказилиб, ҳудудларнинг иқтисодий ривожланишида эркин иқтисодий зоналар ва кичик саноат зоналарининг муҳим аҳамиятидан келиб чиқиб 57 туман Кенгашида кичик саноат зоналари, 9 туманда эса фармсаноат ҳудудларини ташкил этиш борасидаги ишларнинг ҳолатини ўрганиш мўлжалланган. 
Шунингдек, 58 та туман ва шаҳар Кенгашида ижтимоий-иқтисодий ривожлантириш дастурларининг бажарилиши ҳолатини ўрганиш масаласи режага киритилди. 
Бундан ташқари, қатор вилоятлар, туман ва шаҳарларни комплекс ривожлантириш бўйича алоҳида дастурлар қабул қилинган. Мазкур дастурлар ижроси O'zLiDeP депутатлик гуруҳлари томонидан назоратга олинади.

Гулноза Бобоева.

ЎзА.

 

© Copyright 2008 - 2017    biznes-daily.uz Все права защищены
Свидетельство о регистрации № 0976, выдано Узбекским агентством по печати и информации 04.06.2013 г
Все услуги лицензированы, товары сертифицированы.
При распространении материалов сайта в любой форме гиперссылка на biznes-daily.uz обязательна!
Сайт не несёт ответственности за содержание рекламных объявлений.

WEB - Центр информационных технологий "Privatinformsistem"