Спорт оламида қиш мавсуми яқинлашмоқда. Шу сабабли ҳам ушбу давр мобайнида қишки спорт турлари бўйича бир қатор мусобақалар ўтказилади.

Улардан бири биатлон бўйича жаҳон кубогидир. Мамлакатимизда мазкур спорт турига қизиқувчилар кўплаб топилади ва улар янги мавсумнинг бошланишини интиқлик билан кутмоқдалар.

Пойтахтимизда шахмат бўйича Ғарбий Осиё чемпионати якунланди.

Ўзбекистон Республикаси Жисмоний тарбия ва спорт вазирлиги, Миллий олимпия қўмитаси ҳамда мамлакатимиз шахмат федерацияси томонидан ўтказилган чемпионатда мамлакатимиз шахматчилари билан бирга БАА, Ҳиндистон, Бангладеш, Қозоғистон, Эрон, Туркманистон, Тожикистон, Шри-Ланка, Афғонистон ва Қирғизистондан келган 6-20 ёшгача бўлган ўсмирлар ўзаро баҳслашди.

Қозоғистоннинг Олмаота шаҳрида KyodoKyokushin каратэ бўйича жаҳон чемпионати ўтаётгани ва дастлабки кунги мусобақаларда ҳамюртларимиз биттадан кумуш ва бронза медалларни қўлга киритгани ҳақида газетамизнинг ўтган сонида хабар берган эдик.

Мусобақанинг иккинчи кунида кумитэ бўйича ғолиблар аниқланди. Ўсмирлар ўртасидаги мусобақаларда Севинчбек Қаршиев ҳамда Иброҳим Ражабов чемпионатни бронза медаль билан якунлашди.