pojar_160Бунёд этилаётган турар жой бинолари, саноат, савдо ва маиший хизмат кўрсатиш мажмуалари, ишлаб чиқариш цехларида қурилиш ва шаҳарсозлик қоидалари ҳамда ёнғин хавфсизлиги талабларига риоя этилиши муҳим аҳамиятга эга. Тошкент шаҳар ИИББ ЁХБ меъёрий техник бўлими ходимлари ва Чилонзор тумани ЁХБ  инспекторлари туман ҳудудидаги ана шундай қурилишларда ёнғин хавфсизлиги қоидаларига амал қилинишини доимий назорат этиб бормоқда. Шунингдек, мазкур қурилишлар лойиҳаларида ёнғин хавфсизлиги бўйича аниқланган камчиликларни бартараф қилиш мақсадида тегишли тақдимнома, маълумотномалар киритилиб, уларнинг бартараф этилишига эришилаётир.

Чилонзор тумани ЁХБ инспекторлари туман ҳудудида янги қурилаётган ва қайта таъмирланаётган, реконструкция ишлари олиб борилаётган бино ва иншоотларда ёнғинга қарши профилактик кўриклар, қурувчилар, электр пайвандчилар билан йўриқнома суҳбатлар ўтказмоқда.

Ҳозир бутун мамлакатимиз бўйлаб қурилиш ва ободонлаштириш ишлари авжида. Бу жараёнларда ёнғин хавфсизлиги қоидаларига доимий амал қилиш инсонларнинг ҳаётини ва моддий бойликларини сақлаб қолишга ёрдам беришини унутманг!

М.ЖОЛДИБАЕВ,

Чилонзор тумани ЁХБ инспектори, сержант.