Рус
Объем торгов за национальную валюту на РФБ «Тошкент» за апрель текущего года составил 19,07 млрд. сумов *** Объем торгов за национальную валюту на РФБ «Тошкент» за апрель текущего года составил 19,07 млрд. сумов
Голосование
Тадбиркорликни ривожлантириш қандай омилларга боғлиқ?
 
Статистика посещений
Посещения [+/-]
Сегодня:
Вчера:
Позавчера:
5743
10313
9625

+688
Этот месяц...:
Прошлый мес...:
Позапрошлый...:
188741
269151
42109

+227042

Всего посещений
С начала работы biznes-daily.uz 8 314 681
Главная Все новости Узбекистана Кўчмас мулкни рўйхатдан ўтказишда янги хизмат турлари жорий этилмоқда​

kuchmas_mulk_120Бугун барча соҳаларда ахборот-коммуникация технологияларидан унумли фойдаланишга асосий эътибор қаратилмоқда. Албатта, ишнинг унумли бўлиши ва ортиқча оворагарчиликларнинг олдини олишда бу энг қулай ва замонавий усулдир.

Шунга асосан “Давергеодезкадастр” қўмитаси Жаҳон банки иштирокида “Кўчмас мулкни рўйхатдан ўтказиш ва кадастр тизимларини модернизациялаш” лойиҳасини амалиётга татбиқ этмоқда. Унга кўра, кадастр тизимларини модернизациялаш ишларини амалга ошириш бошланган. Бу жараёнда янги хизмат турларини ташкил этишга ҳам катта аҳамият қаратилмоқда. Масалан, ўзбошимчалик билан қурилган турар жойларга нисбатан мулк ҳуқуқини эътироф этишнинг анъанавий усули ва “KADASTR XIZMATI 2.0” автоматлаштирилган ахборот тизими шулар жумласидан.

Бугунги кунда бир марталик умумдавлат акцияси доирасида “KADASTR XIZMATI 2.0” ахборот тизими ишлаб чиқилган. Жорий йилнинг 5 март ҳолатига кўра, Давлат хизматлари марказлари орқали жами 384 254 та ариза келиб тушган. Ижобий якунланган аризалар сони 69 047 та, салбий якунланганлари 40 384 та, тўлов кутилаётган аризалар сони 47 029 тани ташкил этмоқда. Шунингдек, 197 870 та ариза ўрганиш жараёнида эканлиги маълум қилинган. Ушбу акция жорий йилнинг 1 май санасигача давом этади.

Миллий матбуот марказида ўтказилган анжуманда «Давергеодезкадастр» қўмитасининг бугунги кун ислоҳотларидан келиб чиқиб, амалга оширилаётган ишлари ҳақида маълумот берилар экан, бунда “Кўчмас мулкни рўйхатдан ўтказиш ва кадастр тизимларини модернизациялаш” лойиҳасининг мақсад ва вазифалари ҳамда унинг амалий аҳамиятига асосий урғу берилди.

Унда сўз олган қўмита раиси ўринбосари Ш.Ҳабибуллаев ва бошқалар мамлакатимизда кадастр ҳисобини юритиш ва кўчмас мулкка бўлган ҳуқуқларни давлат рўйхатидан ўтказиш тизимига замонавий ахборот-коммуникация технологияларини татбиқ этиш, ахборот ресурслари ва тизимларининг тезкор ривожланишини таъминлаш, давлат органлари, тадбиркорлик субъектлари ва аҳолига сифатли интерфаол давлат хизматлари тақдим этишнинг мазмун-моҳиятига алоҳида тўхталиб ўтди.

– Бугунги тадбир соҳадаги янгиликларни маълум қилиш билан бир қаторда келгусида қилинадиган ишларни режалаштиришга имкон берди, – деди «Давергеодезкадастр» қўмитаси ҳузуридаги «Геоинфоком» давлат унитар корхонаси директори ўринбосари Дилрабо Дадаева. – Фаолиятимизни янада такомиллаштиришда халқаро тажриба жуда қўл келмоқда. Масалан, Жаҳон банки вакиллари билан ҳамкорликда кўчмас мулкни рўйхатдан ўтказиш ва кадастр тизимини модернизациялаш борасида бошлаган ишларимиз янада самарали бўлди. Авваллари кўчмас мулкни рўйхатдан ўтказишда қоғозбозлик, идорама-идора сарсон бўлишлар кузатилган бўлса, эндиликда рақамли технологиялар асосида кўчмас мулк эгаларининг муаммолари бир зумда ҳал этилаётир.

Анжуманда ​соҳага оид масалалар юзасидан фикр алмашилди.

Н.ЗИЁДУЛЛАЕВА.

ЎзА.
 

© Copyright 2008 - 2019    biznes-daily.uz Все права защищены
Свидетельство о регистрации № 0976, выдано Узбекским агентством по печати и информации 04.06.2013 г
Все услуги лицензированы, товары сертифицированы.
При распространении материалов сайта в любой форме гиперссылка на biznes-daily.uz обязательна!
Копирование материалов сайта без согласования с администрацией ресурса запрещено!
Администрация сайта не несёт ответственности за содержание рекламных объявлений, размещенных на сайте.
Условия использования информации

WEB - Центр информационных технологий "Privatinformsistem"