Рус
Объем торгов за национальную валюту на РФБ «Тошкент» за апрель текущего года составил 19,07 млрд. сумов *** Объем торгов за национальную валюту на РФБ «Тошкент» за апрель текущего года составил 19,07 млрд. сумов
Голосование
Тадбиркорликни ривожлантириш қандай омилларга боғлиқ?
 
Статистика посещений
Посещения [+/-]
Сегодня:
Вчера:
Позавчера:
4107
5428
5743

-315
Этот месяц...:
Прошлый мес...:
Позапрошлый...:
107096
187770
159783

+27987

Всего посещений
С начала работы biznes-daily.uz 5 069 546
Главная Все новости Узбекистана Тошкент вилоятида 516 километр халқаро аҳамиятдаги автомагистраль ҳамда ички йўлларни таъмирлаш белгиланган

yul_120Мамлакатимизда вилоят ва туманлар марказини боғловчи кенг тармоқли ҳамда давлатлараро хавфсиз транспорт ташувларини таъминлашга қаратилган йўл-транспорт инфратузилмасини ривожлантириш бўйича изчил ишлар амалга оширилмоқда. 

 

Президентимизнинг 2017 йил 14 февралдаги “Йўл хўжалигини бошқариш тизимини янада такомиллаштириш чора-тадбирлари тўғрисида”ги фармони бу борада муҳим дастуриламал бўлаётир.

Жорий йилда Тошкент вилоятида 516 километр халқаро аҳамиятдаги автомагистраль ҳамда ички йўлларни таъмирлаш белгиланган. 
Тошкент тумани йўллардан фойдаланиш унитар корхонаси ҳудуддаги 121 километр автомобиль йўлларига хизмат кўрсатади. Корхона томонидан белгиланган режага кўра, йўлларда жорий таъмирлаш ишлари амалга оширилди. Қиш мавсуми олдидан жойларда ўтказилган текширувларда автомобиль йўлларининг носоз ҳолатга келиши, қишда сирпанчиқ пайдо бўлишининг олдини олиш бўйича зарур чора-тадбирлар кўрилди. 
– Тумандаги 19 маҳалла фуқаролар йиғини ҳудудидан ўтувчи 12 километрдан ортиқ йўлда маҳаллий бюджет ҳисобидан таъмирлаш ишлари бажарилди, – дейди туман йўллардан фойдаланиш унитар корхонаси раҳбари Ш.Юсупов. – Бундан ташқари, Республика йўл жамғармаси маблағлари ҳисобидан “Кўктерак”, “Хиёбон”, “Мустақиллик”, “Ойдин ҳаёт” маҳалла фуқаролар йиғинларидаги Ойбек, Боғзор, Иқтидор, Наврўз кўчаларининг 7 километри таъмирланди. 
Оҳанганрон туманида автомобиль йўлларини реконструкция қилиш ишлари қизғин олиб борилмоқда. Тумандаги “Ялпоқтепа”, “Нўғойқўрғон”, "Ақчасой" маҳалла фуқаролар йиғинлари йўлларини таъмирлашга 167 миллион сўмдан ортиқ маблағ сарфланди. 10 дан ортиқ маҳалладаги ички йўлларда лойиҳа қиймати 915 миллион сўмлик асфальт ётқизиш ишлари амалга оширилмоқда.
“Тошкент-Ўш” автомобиль йўлининг туман ҳудудидан ўтувчи 42 километр масофадаги қисмида жорий таъмирлаш ишлари жадал давом этмоқда. Автомобиль йўллари давлат қўмитаси, вилоят ҳокимлиги ҳамкорлигида туман ва шаҳарларда олиб борилаётган жорий таъмирлаш ишлари Республика йўл жамғармаси ҳамда маҳаллий бюджет маблағлари ҳисобидан молиялаштирилди. 
Вилоятда бу йўналишда келгуси йилда ҳам истиқболли лойиҳалар амалга оширилади. Йўл хўжалиги соҳасининг ижтимоий ва иқтисодий жиҳатдан юксак аҳамиятга эга экани унинг муҳим хусусиятидир. Иқтисодиётнинг умумий ривожи ва аҳоли барча қатламларининг ҳаёт сифати айни шу тизимнинг самарали фаолият кўрсатишига боғлиқ.

Абдулазиз Мусаев.

ЎзА.

 

© Copyright 2008 - 2017    biznes-daily.uz Все права защищены
Свидетельство о регистрации № 0976, выдано Узбекским агентством по печати и информации 04.06.2013 г
Все услуги лицензированы, товары сертифицированы.
При распространении материалов сайта в любой форме гиперссылка на biznes-daily.uz обязательна!
Сайт не несёт ответственности за содержание рекламных объявлений.

WEB - Центр информационных технологий "Privatinformsistem"