Рус
Объем торгов за национальную валюту на РФБ «Тошкент» за апрель текущего года составил 19,07 млрд. сумов *** Объем торгов за национальную валюту на РФБ «Тошкент» за апрель текущего года составил 19,07 млрд. сумов
Главная Объявления Тижорат таклифини тўғри тузинг

taklif_180Тўғри ва саводли тузилган тижорат таклифи нафақат тижорат билан боғлиқ ҳар қандай ишни тезлаштиради, балки компания, ташкилот, корхона ёки фирмангиз ҳақида буюртмачи ёки мижозда яхши таассурот қолдириб, кейинги алоқаларни мустаҳкамлашга замин яратади.

Тижорат таклифи ташкилотингиз ҳақида батафсил маълумот бериши, қўйилган таклиф ва талабларни тўлиқ қамраб олиши керак. Яъни бу ҳужжат сиз ва буюртмачи ўртасидаги ишончли воситага айланиши лозим.

Демак, тижорат таклифини барча тартиб-қоидаларга амал қилган ҳолда тўғри тузишни ўрганамиз.

Фирма бланкаси

Тижорат таклифи ташкилотнинг махсус бланкасида ёзилади ва варақнинг тепа қисмида фирма бланкаси (“шапка”) жойлаштирилади, яъни ташкилот логотипи, манзили, алоқа телефонлари ва факс келтирилади. Агар фирма бланкаси рангли бўлса, янада яхши.

Рўйхатга олиш

Тижорат таклифлари ташкилотнинг бошқа барча ҳужжатлари каби рўйхатга олинади. Шунинг учун тижорат таклифининг биринчи бетида ўнг тарафда ҳужжатни рўйхатга олиш тартиб рақами ва санаси ёзиладиган икки қатор жойлаштирилади, биринчиси сизнинг иш юритувчингиз, иккинчиси – буюртмачининг иш юритувчиси томонидан тўлдирилади.

Қаерга?

Тижорат таклифи жўнатиладиган ташкилот номи, почта ёки электрон манзили, телефон ва факс рақамлари каби маълумотлар унинг биринчи бетида, юқори ўнг қисмида жойлаштирилади. Ташкилотингиз буюртмачи билан азалдан ишласа-да, унинг юридик маълумотлари сизга ёд бўлиб кетган бўлса-да, мазкур ахборотни бланкага барибир шу тартибда киритиш зарур – бу ишни енгиллаштириш баробарида ҳужжат билан ишлайдиган бошқа ходимларга қулайлик яратади.

Кимга?

Тижорат таклифи юборилаётган шахснинг лавозими ва тўлиқ фамилияси, исми, шарифи ёзилади. Эҳтиёт бўлинг, шахснинг лавозими ёки исми-шарифини адаштириб ёзиб юборманг!

Кириш қисми

Кириш қисми тижорат таклифининг мақсадини ўзида акс эттириши керак. Мисол учун, агар сиз буюртмачи билан қандайдир йиғилиш, ярмарка ёки кўргазмада учрашиб, унга тижорат таклифини юбориш ҳақида келишиб олган бўлсангиз, айнан шу ҳақда ёзасиз. Ҳужжатнинг биринчи сўзларини ўқиши билан буюртмачи ушбу тижорат таклифини ўзи сўрагани учун сиз унга юбораётганингизни аниқ ва равшан тушуниши керак.

Буюртмачининг талаби

Кейинги матнда буюртмачининг талаби ва қизиқтирган ҳолатлар бўйи­ча маълумотлар берилади. Яъни ташкилотингиз буюртмачига қай даражада хизмат кўрсата олиши, қандай маҳсулот етказиши ва унинг ҳажми ҳақида айтиб ўтилади. Матннинг бу қисмини ўқиб, буюртмачи сизга ўз талабини қанчалик тўғри ва тўлиқ етказа олганлиги ҳақида тушунчага эга бўлади ва кейинги суҳбатингизда сизга қўшимча маълумотларни етказади. Тижорат таклифининг мазкур қисми умумий матннинг 1/4 дан 2/3 қисмигача бўлиши мумкин.

Таклифлар

Тижорат таклифининг асосий қисмида ташкилот томонидан таклиф қилинадиган маҳсулот ва хизмат турларига қисқача таъриф берилади. Таклифлар техник тафсилотларсиз ёзилиши керак. Бу маълумотлар ҳужжатнинг илова қисмида келтирилади, матнда эса илова тақдим этилаётгани кўрсатилади. Агар маҳсулот ёки хизмат турлари бир нечта бўлса, уларнинг бир-биридан фарқи тўғрисида қисқа ва лўнда айтиб ўтилади.

Илова қисми

Барча махсус қўшимча ахборотлар, шу жумладан, техник тафсилотларни ўз ичига қамраб олган маълумотлар, ҳисоб-китоблар тижорат таклифининг охирида иловада келтирилади. Агар маълумотлар чизма, жадваллар ёки расм кўринишида ва сони бир қанча бўлса, у ҳолда иловаларга саҳифанинг юқори ўнг қисмида тартиб рақами қўйилади: “1-илова”, “2-илова” ва ҳ.к.

Нархлар

Маҳсулот (иш, хизмат) нархларини келтиришдан аввал ва кейин буюртмачига ҳар бир таклифнинг афзалликлари ҳақида қисқача маълумот берилади. Агар таклифлар бир қанча бўлса, нарх-наволардаги тафовут қисқача тушунтириб ўтилади.

Таклифнинг муддати

Маҳсулот (иш, хизмат)ни етказиб бериш муддати, нархи ва ҳ.к.лар вақт ўтиши билан ўзгариши мумкин. Буюртмачи сиз юбораётган тижорат таклифи муддатсиз эмаслигини тушуниши керак. Шунинг учун сиз айтиб ўтилган шартлар қайси муддат давомида кафолатланишини аниқ белгилаб олишингиз керак.

Ташкилотингиз бизнесҳамкор сифатида

Матннинг сўнггида айнан сизнинг ташкилотингиз билан ҳамкорлик қилишнинг афзалликлари, рақобатбардош омиллар, таклифларингизнинг бошқа ташкилотларникидан фарқи қисқача – бир абзац ёзилади.

Кейинги алоқанинг санаси

Тижорат таклифида кейинги алоқанинг санасини келтириб ўтиш мақсадга мувофиқдир. Бунда ўзаро боғланиш шакли (электрон почта, телефон орқали ёки шахсан учрашув) аниқлаштириб олинади. Ҳеч қачон кейинги алоқани буюртмачининг ихтиёрига ташлаб қўйманг, ундан кўра ташаббусни ўз қўлингизга олинг.

Имзо

Матн охирида буюртмачига ишонч ва ҳурмат сўзларингиздан сўнг, албатта, эгаллаб турган лавозимингизни, фамилия, исм ва шарифингизни ёзиб, имзо қўйишни унутманг.

Саҳифаларни рақамлаш

Агар тижорат таклифингиз бир неча саҳифалардан иборат бўлса, уларни рақамлаш керак. Шунда буюртмачи учун қулай бўлиши учун, масалан, “1, 2, 3-бетда” каби эслатмани қўллаш мумкин. Бунда мижоз тижорат таклифининг охирги варағини йўқотиб ёки ўқимай қолишининг олди олинади.

Матнни тўғри жойлаштириш

Матннинг ҳар бир абзацини янги қатордан бошлаб, абзацлар ораси очиқ қолдирилса, ўқиш учун қулайдир. Матнни “бутун энига” жойлаштирса, яхшироқ кўринади. Шрифт ҳам соддароқ бўлиши лозим. Яхшиси, кўз ўрганган Times New Roman ёки Arial шрифтларида ёзиш керак. Шрифтнинг жуда майда бўлиб кетмаслигига эътибор қаратиш зарур, 12 ёки 14 катталикдаги шрифт маъқулроқ. Курсив ва қора билан ажратишни ҳам керак жойлардагина қўлланг.

Тижорат таклифининг бутун матни одатда икки варақдан кўп бўлмаган жойни эгаллайди. Матн иккинчи бетга ўтиб кетадиган бўлса, ҳар икки бетга бир текис жойлаштиришга аҳамият қаратинг. Матн корпоратив услуб элементлари ёки корпоратив сайт безаклари билан ҳамоҳанг бўлса, янада чиройли кўринади. Лекин бачканалаштириб юборманг.

Агар тижорат таклифи буюртмачига курьер воситасида юбориладиган бўлса, у ҳолда уни юпқа полиэтилен жилд (файл)га солиб ёки алоҳида муқовага жойлаштириб олиб бориш керак.

Ҳилола САЛОЕВА.

 

Объявления газеты "Менинг Мулким"

30 11 2018

Rezolyut trans trading МЧЖ

“Rezolyut trans trading” МЧЖ 2018 йил 29 декабрь куни соат 11.00 да бошланғич нархи босқичма-босқич ўсиб бориши тартибидаги очиқ аукцион савдога таклиф этади! Очиқ аукцион савдога “Янги Ангрен ИЭС” акциядорлик жамияти томонидан берилган 2018 йил 22 ноябрдаги 24/3155-буюртманомага асосан…
30 11 2018

Khorezm realtors group МЧЖ

“Khorezm realtors group” МЧЖ “Xorazm HET” акциядорлик жамияти билан ҳамкорликда баҳоси босқичма-босқич ошиб бориши тартибида қайта ўтказиладиган очиқ аукцион савдога таклиф қилади Савдо Хоразм вилояти, Урганч шаҳри, Паҳлавон Маҳмуд кўчаси, 2-“а” уй, 50-хонада, 2018 йил 31 декабрь куни…
30 11 2018

Best realtor МЧЖ Фарғона минтақавий филиали

“Best realtor” МЧЖ Фарғона минтақавий филиали бошланғич баҳоси босқичма-босқич ошиб бориши тартибида  ўтказиладиган очиқ  аукцион савдога таклиф этади! Аукцион савдога Ўзмиллийбанк Фарғона бўлимининг 28.11.2018 йил кунги МХ-5091/20-буюртма хатига асосан,  Фарғона вилояти, Фарғона шаҳри,…

Объявления газеты "Iste'molchi"

05 12 2018

Best auto auksion МЧЖ Cамарқанд минтақавий филиали

“Best auto auksion” МЧЖ Cамарқанд минтақавий филиали  бошланғич баҳоси ошиб бориши тартибида ўтказиладиган очиқ аукцион савдога таклиф этади! Савдога Самарқанд тумани ҳокимлигининг 2018 йил 4 октябрдаги 02/2-1966-буюртма хатига асосан Самарқанд тумани, Гулобод қўрғонида сақланаётган…
05 12 2018

Строительство доступных жилых домов по обновленным типовым проектам в сельской местности

ТЕНДЕРНЫЕ ТОРГИ ОБЪЯВЛЕНИЕ О ЗАКУПКАХ СТРОИТЕЛЬНЫХ МАТЕРИАЛОВ И ОБОРУДОВАНИЯ Программа «Строительство доступных жилых домов по обновленным типовым проектам в сельской местности». 1. Тендерные торги проводятся для закупа строительных материалов и оборудования по строительству 8996 домов в…
05 12 2018

Малых Галина Яковлевна

Утерянные кадастровые документы на квартиру, расположенную по адресу: город Ташкент, Юнусабадский район, Ц-5, дом 78, квартира №24, выданные БТИ Юнусабадского района города Ташкента на имя Малых Галины Яковлевны, считать недействительными.

© Copyright 2008 - 2018    biznes-daily.uz Все права защищены
Свидетельство о регистрации № 0976, выдано Узбекским агентством по печати и информации 04.06.2013 г
Все услуги лицензированы, товары сертифицированы.
При распространении материалов сайта в любой форме гиперссылка на biznes-daily.uz обязательна!
Копирование материалов сайта без согласования с администрацией ресурса запрещено!
Администрация сайта не несёт ответственности за содержание рекламных объявлений, размещенных на сайте.
Условия использования информации

WEB - Центр информационных технологий "Privatinformsistem"